Президент: Ата заңнан биік ештеңе жоқ

Ата Заңнан биік ештеңе жоқ. Ал, оны құрметтеу – ардың ісі. Қазақ – Ұлы дала заңына бас иген, ар-ұяттан аттамаған халық. Қасым ханның қасқа жолы, Есім ханның ескі жолы, Әз Тәукенің Жеті жарғысы – нағыз дала заңының жарқын үлгілері. Мемлекет басшысы Конституцияның 30 жылдығына арналған ғылыми-практикалық конференцияда осылай деді. Қасым-Жомарт Тоқаев Қазақстан халқын құттықтап, 30 жылда жеткен жетістік пен атқарылған жұмыстарды қорытындылады.