Мемлекет басшысы «ҚазАтомӨнеркәсіп» АҚ басқарма төрағасын қабылдады

Мемлекет басшысы «Қазатомөнеркәсіп» басқарма төрағасының да есебін тыңдады. Мейіржан Юсупов Президентке компания қызметінің былтырғы нәтижелері мен алдағы кезеңге арналған жоспары жөнінде баяндады. Былтыр холдинг 26 мың тоннаға жуық уран өндірген. Сауда-саттық көлемі 11 пайызға өсіп, 18 мың тоннадан асты. 2025 жылы компания облыстардың әлеуметтік-экономикалық дамуына 11 миллиард теңгеден аса қаражат бөлді. 2025-2034 жылдарға арналған даму стратегиясына сәйкес, компания жаңа нарықтарға шыға бастады. Былтыр швейцариялық, чехиялық және жапон компанияларымен уран жеткізу жөнінде келісімшарттар жасалды. Қазіргі уақытта Үндістанмен ұзақмерзімді келісімшарт жасау жөніндегі жұмыстар жалғасуда. Мемлекет басшысы ресурстық базаны одан әрі дамыту, халықаралық ынтымақтастықты кеңейту және әлеуметтік бастамаларды іске асыру жөнінде бірқатар тапсырма берді.