Президент Қарулы күштердің әскери әлеуетін арттыруды тапсырды

Мемлекет басшысы Қорғаныс министрін қабылдады. Дәурен Қосанов Қазақстан Республикасы Қарулы Күштерінің Жоғарғы бас қолбасшысы Қасым-Жомарт Тоқаевқа 2025 жылдың бірінші жартыжылдығында атқарылған жұмыс жөнінде баяндады. Армияның жауынгерлік дайындығы, көктемгі әскер қатарына шақыру науқанының нәтижелері, әскери-патриоттық тәрбие жүйесін жетілдіру, әскери қызметшілерді әлеуметтік тұрғыдан қамсыздандыру шаралары жөнінде есеп берді. Президент тапсырмалары қалай орындалып жатқанын да айтты. Қасым-Жомарт Тоқаев министрге Қарулы күштердің әскери әлеуетін одан әрі арттыру жөнінде бірқатар міндет жүктеді. Әскери қызметтің қауіпсіздігін қамтамасыз етуге, әскери қызметшілердің жарақат алу және жазым болу оқиғаларының алдын алуға бағытталған кешенді шаралар қабылдаудың маңызына назар аударды.