Елімізде алғаш рет кәсіби шахмат педагогтері даярланды

Елімізде алғаш рет кәсіби шахмат педагогтері даярланды. Алматыда 25 маман арнайы «Шахмат педагогі» бағдарламасын тәмамдап, ресми куәлікке ие болды. Енді олар мектептерде негізгі пәндермен қатар, оқушыларға шахматтың қыр-сырын үйретеді. Қазақстан шахмат федерациясының білім беру бастамасын Freedom Holding пен «Шапағат»корпоративтік қоры қолдады. 

«Шахмат педагогі» бағдарламасының оқу мерзімі- алты ай. Студенттер шахматты меңгеріп, оны мектепте қызықты әрі тиімді оқытуды үйренеді. Қазір жоба еліміздің жеті педагогикалық жоғары оқу орнында іске асырылып жатыр. 200-ден астам студент білім алуда.

Қарақат Кенжетай, Шахмат ұстазы:

- Біз шахматтан өте көп сабақтар алдық. Соның бірі өзіміздің ой өрісімізді дамыта алдық және де тәжірибепізді нақтвлай алдық. Қазіргі таңда біз практикада шахматтан сабақ берепіз. Балаларға сабақтың қалай жүретінін, шахматтың басталуын және шахматтағы жүрістерді және балалардың ой өрісін дамыту үшін сонымен жұмыс жасаудамыз.

Бағдарлама аясында Қазақ ұлттық қыздар педагогикалық университетінде KazChessLab зертханасы ашылды. Бұл болашақ ұстаздар үшін тәжірибелік алаң. Мұнда семинарлар, шеберлік сағаттары мен практикалық сабақтар өтеді. Алдағы уақытта тағы 14 университетпен келіссөз жүргізіліп жатыр.

Саясат Нұрбек, ҚР Ғылым және жоғары білім министрі:

- Мақсатымыз бүкіл педагогикалық унив қазіргі таңда 52 пед унив бар педаг даярлайтын. Осы арнайы бағд енгізу. Жәнеде бүкіл мектептерге тарату осы бағд шахмат жасанды интеллект тәрізді бағдарламалы тілдер тәрізді кішкентай кезден әр қазақстандық баланың қоржынында болу керек Шахмат ойынының бір ерекшелігі балаларды кез келген ересек адам болсын, зейінділікке үйретеді. Яғни бір нәрсені ойлау, бір нәрсеге фокусты ұстау бұл өте маңызды.

Бүгінде шахмат еліміздің 20 өңіріндегі 2 мыңға жуық мектепте оқытылады. Апта сайын 60 мыңнан астам оқушы шахмат үйренеді. Мамандардың айтуынша, бұл бастама алдағы жылдары барлық мектепке кезең-кезеңмен енгізілмек.