«Ана тілі» зияткерлік олимпиадасының жеңімпаздары анықталды

Елордада алғаш рет өткізілген «Ана тілі» зияткерлік олимпиадасы қорытындыланды. Оған ел бойынша 5 мыңнан астам бала қатысқан. Ал ақтық сынға жолдама алған 66 топтың тең жартысы Түркістан облысынан. Оқушылар «Пікірсайыс», «Тілшілер», «Білімпаздар» бағытында сынға түсіп, сауаты мен ой өрісінің деңгейін көрсетіп жарысты. Ал, үздік 11-ші сынып оқушыларына еліміздің маңдай алды жоғары оқу орындарына білім гранттары табыс етілді. Ұйымдастырушылар қазақ тілінің қолданыс аясын кеңейтуге бағытталған олимпиаданың алдағы жылдары да тұрақты түрде жалғасатынын мәлімдеді.