75 жылдық тарихы бар білім ошағы

Алматы мемлекеттік бизнес колледжі 75 жылдық мерейтойын атап өтті. Мұнда студенттер аспаздықтан ақпараттық технологияға дейінгі мамандықтарды меңгереді. Колледжде студенттер тек теориямен шектелмей, өндірістік ортада шеберліктерін шыңдайды. Дуалды оқыту мен тәжірибе жас мамандарға кәсіби дағды береді. Тілшіміз студенттердің шығармашылық жобаларын көріп қайтты.

Камила Өтебаева - наубайшы мамандығының 1 курс студенті. Ол аспаздық өнерін қолданып, табиғатқа зиянсыз, желінетін  ыдыстар әзірлейді. Бұл ыдыстар күнделікті тұрмыста да пайдалы.

Камила Өтебаева, Алматы мемлекеттік бизнес колледжінің 1- курс студенті:

- Біздің кәсіби жобамыздың аты Eat E live біз желінетін ыдыстар ойлап тапқан болатынбыз. Бұл жерде қорш ортада болып жатқан мәселелерді алып сол бойынша жобаны жасау ойымызға келді. жүгері ұндарын, какаодан алып жасадық. Бұл салада жұмыс жасаған маған өте қатты ұнайды. Болашақта осы саланы қарқынды дамытсақ деген ойдамыз. Қазір біз жарты бөлігін сатуға шығара аламыз.

Жанар Қапасова, Алматы мемлекеттік бизнес колледжінің арнайы пәндер оқытушысы:

- Жұмысшы мамандықтың беделі жоғары көтеріліп ұлғайып жатыр. Биылғы ең үлкен жетістігіміз осы желтоқсан айында болған Ворлд скилс 2025 конкурсында наубайшы шеб ісі бойынша Республика бойынша 1 орынға ие болды

Үш ширек ғасыр бойы колледж еліміздің экономикасына қажетті мыңдаған кәсіби маман даярлап, білім беру саласының тұрақты дамуына үлес қосып келеді.

Айнұр Мұқажанова, Алматы мемлекеттік бизнес колледжінің директоры:

- Халықаралық деңгейде қазір еңбек етіп жатырмыз. Біз Қазақстан экономикасын дамытатын мамандар дайындаймыз, ол менеджер, маркетинг, учет аудит, айти мамандықтарын, сондай-ақ технологиялық мамандар бар ол наубайшы, кондитер, аспаз. Түлектеріміз қазіргі уақытта Қазақстан экономикасын дамытып, көмек көрсетіп жатыр.

Биыл колледжді 600-ге жуық студент тәмамдады. Олардың 90%-ы өз мамандығы бойынша жұмыс істеп жүр. Бұл колледж түлектеріне деген сұраныстың жоғары екенін дәлелдейді