Арық-атыздар қоқыстан тазартылды

Шымкентте «Таза Қазақстан» акциясы жалғасып жатыр. Шара аясында аяқ жолдар сыпырылып, тал-дарақтар қырқылды. Көктемгі тасқынның алдын-алу мақсатында суағарлар мен арық-атыздардың ұлтандары тазартылды.

Тазалалық жұмыстары қаладағы бес аудан аумағында үздіксіз жүргізіліп келеді. Бір ғана Абай ауданы бойынша 30 шақырымнан астам ирригациялық жүйелер тазаланды. Экологиялық акция барысында қыс бойы жол жиегіне жиналып қалған қалдықтар мен суағарлардың ұлтанына қатып қалған қоқыстар алынды. Бұл қыс маусымында еріген қар мен жауын-шашын суының кептелісіз ағуына мүмкіндік береді.

Жәнібек Жарылқасын, қала тұрғыны:

- Қазіргі таңда тазалау жұмыстары яғни,жолаяқ бетін сыпыру,латок ішін шаң,тозаңнан,лайдан тазалау жұмыстары.Сонымен қатар ағаш қырқу,қырқылған қалдықтарды арту жұмыстары жүргізілуде.«Таза қазақстан» акциясы аясында бізде жұмыстар өте көп болады. Аптасына екі, үш рет десек те болады.