«Біз таза ел үшін» акциясы

«Біз таза ел үшін». Оралда осындай атаумен ерекше экологиялық қозғалысы басталды. Шара «Таза Қазақстан» жалпыұлттық акциясы аясында қолға алынған. Ерекшелігі сол - жастар мен еріктілерден жиналған топ қаладағы ең адам көп жүретін жер – базар маңын үйілген қоқыстардан тазартып шыққан. Әрі сондағы жұртқа сауда орталығын мейлінше ластамауға үндеп,  ортақ істе белсенділік танытуға шақырып жүрді. «Орал – еліміздегі ең таза әрі жасыл қаланың бірі. Бұған дейін тазалық акциясына қатысқандар Жайық өзенінің бойында шашылған қалдықтардан арылтқан болатын. «Біз таза ел үшін» акциясы - бұл оралдықтарды экологиялық мәдениетке тартудың бір тәсілі дейді ұйымдастырушылар.