4,5 млн тонна қалдықтың 28 пайызы ғана өңделген

Жыл сайын елімізде 4,5 млн.тоннадан астам коммуналдық қалдық пайда болады. Жиналған қоқыстар алдымен экополигондарға жеткізіледі. Кейін олар сұрыпталып , қайта өңдеуге жіберіледі. Бірақ оны өңдеу деңгейі өте төмен. 2024 жылы 26 пайызға да жетпеген. Былтыр 28 проценттен сәл ғана асқан. Осы ретте күнделікті тұтынатын заттардың қалдықтарын жинап, сұрыптау үшін 63 жоба мақұлданыпты. Алдағы уақытта еліміздің барлық өңірінде арнайы рейдтер жүргізіліп, рұқсат етілмеген қоқыс полигондары анықталмақ.

Ажар Сағандықова, ҚР Парламенті Мәжілісінің депутаты:

- Алдымен қалдықты сұрыптау алгоритмін құрастыруымыз керегін түсіндік. Әсіресе күнделікті тұтынатын тауарлардың қалдықтарын қалай жинап жатырмыз, сол маңызды. Мысалы, пластик, шыны, қағаз әрқайсысының жану процесі әртүрлі. Сондықтан, бұл мәселе терең ойлануды талап етеді.