«Алматы жазы» экологиялық эстафетасы басталды

«Алматы жазы» экологиялық эстафетасы қарқын алып келеді. Іс-шара «Таза Қазақстан» акциясының аясында ұйымдастырылып жатыр. Жастар мен егде тартқан еріктілер бірдей атсалысқан науқанға елімізге танымал спортшылар да қатысты. Бәрінің көздегені бір. Қаладағы саябақтар, көрнекі жерлерден бастап жол жиегіне дейінгі күл-қоқыстың бәрін шығару. Мұнтаздай таза етіп жинау.

Алғашқы аялдама – Іле Алатауының ең көрікті мекені «Медеу» шатқалы. Белсенділер тобын танымал альпинистер бастап келеді. Олар аумақты бірнеше учаскеге бөліп алып, айналадағы қоқыстың бірін қалдырмай тазартты.