Жасанды интеллект енді сүт безі қатерлі ісігін анықтайды

Медицина мен технология тоғысында тағы бір тың жаңалық. Ғалымдар сүт безі қатерлі ісігін ерте сатысында анықтай алатын жасанды интеллект жүйесін әзірлеп шыққан. Әрине, ол дәрігердің орнын баспайды, бірақ нақты әрі жылдам шешім қабылдауға көмектеседі. Жасанды жүйе науқастардың өмірін сақтап қалуға және емдеу тиімділігін арттыруға үлкен септігін тигізбек. Жоба жетекшісі Бейбіт Әбдікеновтың айтуынша, жаңа технология мамография суреттерін талдай отырып, 90%-дан астам дәлдікпен диагноз қоя алады. Қазір жасанды интеллект саласындағы мамандардың білімдерін жетілдіре түсетін Жазғы мектеп ашылды.