«Шанхай бестігінен» 25-ші саммитке дейін. Азияның күш алуына батыстың реакциясы

Бүгінде әлем жыл санап емес, күн санап өзгеріп жатыр. Жаһанда осыған дейін батыс саясаты үстемдік құрып келсе, қазір Азияның ықпалы да күшейе түскен. Оған дәлел – Шанхай Ынтымақтастық ұйымының 25-ші мерейтойлық саммитінің таң қаларлық кең ауқымда өтуі. Бұған дейін ұйымға ғалам қызығушылығы мұншалықты жоғары болған емес және бұл ұйым көпполярлы болып көрінген де емес. Осы жерде көпполярлы терминіне түсініктеме бере кетейік: Бұл – күш бір ғана елдің қолында емес, бірнеше мемлекет арасында теңдей бөлінеді дегенді білдіреді. Қытай осы идеяны Шанхай ынтымақтастық ұымының басты ұранына айналдырмақ.