Бейжің – Вашингтон – Мәскеу: Қазақстан үш державаның тілін қалай тапты? 2026 жылы әлемді және Қазақстанды не күтіп тұр?

Қазіргі заманда кез келген мемлекеттің сыртқы саясаты географияға тәуелді емес, даму қарқынына қарай құрылады. Ұлттық, өңірлік, жаһандық деңгейдегі мүдделер бір-бірімен тығыз байланысты. Ғаламдану ғасырында әлем ықшамдала бастады, алыстағы жақындай түсті. Мемлекеттің дамуына ең қажет инструменттердің бірі қазір – дипломатия. Достасу мен жауласудың арасы бір-ақ қадам. Қазіргі дүние жүзіндегі турбуленттік жағдайда дипломатия – аман қалу, өсіп-өркендеу, бейбіт өмір сүру өнері. «Дипломаттар сөйлегенде – зеңбіректер үнсіз қалады» деген сөз осыдан шыққан. 2025 жылға Президенттің шетелдерге 20 сапары жоспарланған болатын. Соның ішінде 12-сі жұмыс, 5-еуі ресми сапар, 2-еуі мемлекеттік және біреуі ТМД басшыларының бейресми кездесуі. Олардың арасында үлкен үш державаның әрқайсысына Қасым-Жомарт Тоқаев екі реттен барды. Ең маңыздылары күз айларында өтті. 2026 жылы әлемді және Қазақстанды не күтіп тұр?