Президент республикалық референдумда дауыс берді

Президент Қасым-Жомарт Тоқаев республикалық референдумда таңдау жасады. Ол Оқушылар сарайында орналасқан №51 референдум учаскесіне дауыс беруге келді. Кейін отандық және шетелдік бұқаралық ақпарат құралдарының өкілдері алдына шығып, бірқатар сұрақтарға жауап берді. Сондай-ақ бүгінгі күннің ел дамуы мен келешегі үшін ерекше маңызды екенін атап өтті. Президенттің айтуынша, жаңа Конституция еліміздің, жеріміздің тұтастығын, тәуелсіздігі мен егемендігін қорғайды. «1995 жылы қабылданған Конституция ерекше рөл атқарды. Еліміз 35 жыл осы құжатпен өмір сүрді. Бірақ заман бір орында тұрмайды. Сол себепті жаңа Конституция қабылдайтын уақыт келді», – деді Президент. Мемлекет басшысына қойылған сауалдардың қатарында жаңа Конституцияның нормаларына қатысты мәселелер, Таяу Шығыстағы қазіргі ахуал сынды тақырыптар болды.