Павлодарда «Innovation» атты республикалық хакатон өтуде

Павлодардағы Ақпараттық технологиялар колледжінің базасында «Innovation» атты республикалық хакатон өтуде. Ауқымды шараға Қазақстанның түкпір-түкпірінен 28 команда қатысты. Жас стартапшылар өз жобаларын ұсынып жүзден жүйрік шығуға таласты. 

28 команда, жүздеген идея. Сол идеяларды нақты технологиялық шешімдерге айналдыру үшін екі күн ғана. «Innovation» республикалық хакатоны бағдарламалауға және цифрлық технологияларға құмар студенттер мен жас мамандардың басын біріктірді. Солардың бірі Мирас Қайрат. Командасымен Алматыдан келген.