Гарвард Қазақстанның сирек қолжазбаларын цифрландырады

Енді Гарвард кітапханасы мен архиві қазақ ғалымдарына қолжетімді болды. Бұған Қазақстанның Ғылым және жоғары білім министрлігі мен Гарвард университетінің Дэвис атындағы еуразиялық зерттеулер орталығы арасында жасалған меморандум нәтижесінде қол жетіп отыр. Өткен жылы америкалық ғалымдар Алматыдағы Орталық ғылыми кітапханаға келген. Ғасырлық тарихы бар кітапханада 6 миллион кітап қоры, 150 мың сирек қолжазбалар бар. Келісім аясында Гарвард мамандары Қазақстанның сирек кітаптары мен қолжазбаларын цифрландыруға, реставрациялау мен сақтауға көмектесетін болды. Осылайша халқымыздың ең көне қолжазбалары халықаралық ғылыми айналымға шығады. Одан бөлек, тараптар академиялық тәжірибе алмасуға, Қазақстан мамандарына стипендиялар мен ғылыми тағылымдамалар ұйымдастыруға уағдаласты.