Парламенттік Республикаға айналу мәселесі күн тәртібінде тұрған жоқ – Президент

Парламенттік Республикаға айналу мәселесі күн тәртібінде тұрған жоқ. Бүгін Президент конституциялық сот төрелігінің халықаралық форумына келген қатысушылармен кездесуде осылай деді. Мемлекет басшысының сөзінше, бұл реформа саяси жүйеміздің институционалды базасын нығайтуды көздейді. Елде «Күшті Президент – ықпалды Парламент – есеп беретін Үкімет» қағидаты сақтала береді. Жалпыұлттық референдум өткізу туралы ұсыныс бұл тұжырымдаманың өміршеңдігін көрсетеді. «Еліміздің болашағына қатысты шешімдерді бірлесіп қабылдау қажет. Бұған дейінгі реформалар кезінде де, АЭС құрылысына қатысты референдум өткізгенде осы ұстанымнан айныған жоқпыз», – деді Президент. Жуырда Жолдауында Қазақстанды технологиялық тұрғыдан озық елге айналдыру мақсаты қойылғанын жеткізді.