Ертең елде Абай күні аталып өтеді

Ертең елде Абай күні аталып өтеді. Оныншы тамыз ұлы ақын, ойшыл әрі философ Абай Құнанбайұлының туғанына 179 жыл. Мерекеге орай Абай облысының аудан ауылдарында түрлі мәдени шаралар басталып кетті. Семейдегі Абай музейінде интерактивті экскурсия ашылды. 

Музейге экскурсияға келушілердің көп болуы да ұлы ақынның шығармашылығы мен өміріне деген қызығушылықтың айқын белгісі. Келушілер Абайдың қолжазбалары, жеке заттары, кітаптары мен фотосуреттерімен танысып, оның шығармашылық әлеміне тереңірек үңіле алады.