Аядай ауыл халқы 100 мың түп ағаш еккен

3 жылда 100 мың түп ағаш еккен ауыл. Туған топырағын тұзданып, сортаңданып кетуден сақтау үшін тұрғындар осындай іс бастаған. Жол жиегін көшеттермен көмкеріп, 15 шақырым қоршау салған. Тамшылатып суару жүйесін жүргізген. Ең қызығы, бұл үшін бюджеттен бір тиын да алмаған. Бәрі демеушілер мен тұрғындардың есебінен. Өздері күтіп-баптап, 2030 жылы мемлекет балансына өткіземіз деп отыр. Осындай ауызбірлішілі мығым ауыл Түркістан облысынан табылды. Біздің арнамыздың «Эко Аудит» бағдарламасының түсірілім тобы Отырар ауданы, Көксарай елдімекеніндегі игі істі көріп қайтты.