Адал ұрпақ мектеп партасынан басталады

Оқушылар да жемқорлыққа түбейгелі қарсы. Павлодарда «Адал ұрпақ» деп аталатын мектеп кублтарының слеті бар. Әдеттен қалмай биыл да ұйымдастырушылар үлкен шара өткізді. 8-ші бас қосуға 14 команда қатысып, өз жобаларын таныстырды. Бүгінде Президент айтып жүрген заң мен тәртіп бастамасы мектептен басталуы тиіс.   

Әсерлі қойылымдар, әлеуметтік спектакльдер және музыкалық туындылар. Павлодар облысының оқушылары жемқорлықпен күреске шығармашылық тұрғыдан келді. Өз жобаларын олар «Адал ұрпақ» клубтарының кезекті слетінде таныстырды.

Тамырлан Қазқанов, №8 мектеп оқушысы:

- Біз мектепте түрлі іс-шаралар өткіземіз, әрдайым кіші сыныптар арасында рейд жасаймыз, оларға не істеуге болатынын және болмайтынын түсіндіреміз. Бізде есірткі сатушылар жөнінде көрініс болады, онда біз қаскөйлерді қалай ұстағанымызды көрсетеміз.

Бинұр Бейісхан, Успен ауданы М. Мәметова мектебінің оқушысы:

- Ол маңызды, өйткені қазіргі заманда пара алу, пара беру көбейіп кетті. Біз жас ұрпақ, адал ұрпақты көбейткіміз келеді. Осы уақытқа дейін бізде әр жыл сайын дөңгелек үстелдер және ауыл тұрғындарына, ауыл мұғалімдеріне карточкалар таратамыз. Және аптасына айына екі рет бізде сынып сағаттары өтеді коррупция туралы.

Бүгін қалалық және аудандық байқаулардың жеңімпазы атанған 14 команда өз жобаларын таныстырды. Оқушылардың айтуынша, барлық уақытта адал әрі әділ болу қажет. Олардың кейбірі жоғары сынып оқушыларының бопсалауы мен қысымына да тап болған. Енді олар бірігіп, өздерін қалай қорғау керектігін және мұндай жағдайлардың алдын алуды талқылады.

Айжан Оразбаева, М. Қатаев атындағы оқушылар сарайының әдіскері:

- Балалар жемқорлыққа төзбеушілікті насихаттайды, онымен қалай күресу керегін көрсетеді. Ал екінші байқауда, өткен оқу жылы – 2024–2025 жылдары нақты қандай жұмыстар атқарғандарын, яғни жиналыс өткізу, команда жинау, үгіт-насихат шараларына дейін толыққанды көрсетеді.

Ұйымдастырушылардың айтуынша, мұндай кездесулер оқушылардың азаматтық ұстанымын нығайтып, белсенді, адал және жауапты жаңа қазақстандық буынды қалыптастырады.