«Жақсы адам-2024» премиясы. «Жақсы адамдарым» бағдарламасының жаңажылдық қорытынды жобасы

«Жақсы адам-2024» арнайы сыйлығымен жеті адам марапатталды.

ҚР Президентінің Телерадиокешеніне қарасты «Jibek joly» телеарнасындағы «Жақсы адамдарым» бағдарламасының жаңажылдық қорытынды жобасы биыл үшінші жыл ұйымдастырылды.

2024 жылдың жақсы адамы атанғандар қатарында көктемгі су тасқыны кезінде ерен еңбегімен ерекшеленген құтқарушы, қоршаған ортаға қорған бола білген экобелсенді, саналы ғұмырын ауыл медицинасына арнаған абзал жан, білім бәйгесінде әлемді мойындатқан озық ойлы оқушы, өзгенің өмірі үшін өз басын қатерге тіккен бүгінгі күннің батыры, ата-анасынан айрылған егіз балаға ерекше бақыт сыйлаған қамқор отбасы бар.

Жақсылықтың жаршысы болған дәстүрлі жобаға мемлекет және қоғам қайраткерлері мен танымал тұлғалар және өнер жұлдыздары қатысты. «Жақсы адам-2024» арнайы сыйлығының салтанатты марапаттау рәсімін тамашалаңыз!