Зейнетақы мен жәрдемақы өсті

Биылдан бастап елде зейнетақы мен жәрдемақы өсті. Бұл айлық есептік көрсеткіштің артуымен байланысты. Енді базалық зейнетақының ең төменгі мөлшері – 35 596 теңге. Дегенмен, зейнет жасы өзгермейді. Ерлерге -  63-тен, әйелдерге 61 жастан шығады. Жәрдемақы да айтарлықтай артты. 4 баласы бар аналарға ай сайын - 69200 теңге төленеді. Мүмкіндігі шектеулі балаларға - 81870 теңгеден, ал ересектерге - 61021 теңгеден бастап беріледі. Төтенше жағдай кезінде жазым болғандарға ең кемі - 117 466 теңгеден төленбек. Ал әскерилерге қызмет барысындағы жарақаты үшін де дәл осы сомада жәрдемақы қарастырылған.