Үй алуға 170 мың адам өтініш берген
Жаңа тұрғын үй жүйесі іске қосылған 3 күн ішінде 170 мыңдай өтінім түскен. Оның 83 мыңнан астамы қабылданып, нақтыланған. Бүгін Үкіметте өткен брифингте Өнеркәсіп және құрылыс министрі Ерсайын Нағаспаев осындай ақпармен бөлісті. 24 мамырдан бастап елімізде бірыңғай пәтер кезегіне үшін Orken.otbasybank.kz платформасы іске қосылған. Бұған дейін түрлі санаттағы баспана кезегін жергілікті әкімдектер жасап келсе, енді бұл міндетті Отбасы банкі атқарады. Мамандар жүйе нақты дерек пен әділ алгоритм арқылы анықталады дейді. Қазір тіркеуге тұрып жатқан аймақтың ең белсендісі - Алматы, Астана және Шымкент. Ал өтініш аз берген аймақ - Солтүстік Қазақстан мен Ұлытау. Бұған дейінгі тізімде жергілікті әкімдіктің пәтер алушылар тізімінде 600 мыңға жуық өтініш тұрған. 17 маусымнан бастап ол Otbasy bank базасына өткізіледі. Айта кетейік, Мемлекеттік тұрғын үй қорындағы пәтерлердің 70 пайызы әлеуметтік осал топтарға арналса, қалғаны басқа санаттағы азаматтарға бөлінеді. Министрліктің мәліметінше, жаңа платформа процесті ашық, әділ және қолжетімді етуге бағытталған.
