Үндістаннан Қазақстанға жүк пойызы жолға шықты

Үндістаннан Қазақстанға жүк пойызы жолға шықты. Қыш тақтайшалар тиелген 12 контейнер Иран, Түркіменстан және Өзбекстан аумағы арқылы өтеді. Үндістанның «Мундра» портынан шыққан пойыз еліміздің «Сороковая» бекетіне дейін барады. Бұл «Үндістан — Орталық Азия» дәлізінің бір бағыты. Бұған дейін Өзбекстанмен тұйықталып келген. Енді аталған сауда жолына Қазақстан да қосылды. Сарапшылардың айтуынша, жаңа бағыттың ашылуы  Орталық Азиядағы сауда айналымын едәуір кеңейтеді. Өйткені, бұған дейін жүк бірнеше айда жеткізілетін. Ал, енді 25-30 күнде тасымалданады.