Ұлттық құрылтайдың нәтижесі қандай?

Соңғы үш жылда елде қандай саяси реформалар болды? Президент Ұлттық Құрылтай отырысында Қазақстанның жаңа тұрпатты елге айналғанын айтты. Алдымен референдум арқылы Ата заңға түзетулер енгізілді. Парламенттің құзыры кеңейді. Үкіметтің жауапкершілігі артты. Адам құқықтарын қорғау жүйесі жақсарды. Конституциялық сот құрылды. Жергілікті билік түбегейлі жаңғырды. Ауыл әкімдерінің 72 пайызы жаңарды. Оның үштен бірі – бұрын мемлекеттік қызметте болмағандар. Аудандар мен облыстық маңызы бар қалалардың 45 әкімі сайланды. Биылдан бастап барлық аудан әкімдерін халық тікелей сайлайтын болады.