Ұлттық құраманың бас бапкері Станислав Черчесов қызметінен кетті

Футболдан ұлттық құраманың бас бапкері Станислав Черчесов қызметінен кетті. Еңбек шарты екі тараптың өзара келісімі бойынша тоқтатылған. Бұл туралы Қазақстан футбол федерациясы хабарлады. Черчесов жаттықтырушы болып елге өткен жылдың маусым айында келген еді. Содан бері ұлттық құрама ойыншылары УЕФА ұлттар лигасында 6 матч өткізіп, Норвегия құрамасымен тең ойнап, 1 ғана ұпай жинаған және бірде бір гол соққан жоқ.