Ұлттық дәстүрлер ұлықталуда

Ақтөбеде «Сыбаға» ұлттық дәстүрлер фестивалі өтіп жатыр. Екінші жыл қатарынан ұйымдастырылған шара көнеден қалған салт-дәстүрді жаңғыртып ұлттық құндылықтарды ұлықтауға бағытталған. Фестиваль бірнеше күнге созылады. Онда еліміздің шеберлері қол өнер туындыларын ұсынуда. Шараға облыс әкімі Асхат Шахаров қатысты. 

Фестивальге он саусағынан өнер тамған шеберлер мен дизайнерлер жиналды. Қолөнершілер асыл металдардан жасалған зергерлік бұйымдар, кәдесыйлар мен тұрмыстық заттарын ала келген. Өз туындыларын бауырлас елден келген қонақтарда ұсынды.

Гүлжан Алмамбетова, Қолөнерші /Қырғызстан/:

- Қырғызстанда мен барлық білімімді жас ұрпаққа үйретемін. Мысалы, бұл - Шырдак, яғни кішкене маталардан жасалған көрпе, оған кейін дәстүрлі ою-өрнектер тігіледі. Барлығы қолмен жасалатындықтан, мұның бәрі көп уақытты алады. Ал қазір жастар бұлай ұзақ уақыт отырғысы келмейді. Машинамен жасау оңайырақ. Бірақ ешқандай машина жұмысы қолмен жасалған жұмысқа жетпейді.

Фестиваль үш күнге созылады, әр күннің өз тақырыбы бар. Бірінші күн - Тағылым, бұл күні қазақ мәдениеті барлық оқу орындарында насихатталады. Екінші күн - Ұлттық дәстүрлерді жаңғырту, бүгін дәл осы күн өтті.

Әлібек Байнешев, Ақтөбе облыстық ішкі саясат басқармасының басшысы:

- Үшінші күн – Салбұрын. Ол жерде ұлттық ойындарымыз дәріптеледі. Осы үш күннің аясында мұқтаж жандарға арналған сыбаға соғым тарату деген дәстүр бар. Оны кешелі бері арнайы топтар алып келе жатыр.

Үшінші спорт күні қонақтар асық ату, көкпар, аңшылық, иттермен жарыстар және садақ ату бәсекелеріне қатыса алады. Кіру тегін. Фестиваль тек облыс орталығында ғана емес, аймақ бойынша өткізілуде. Мысалы, аудандарда мұқтаж жандарға қайырымдылық ретінде сыбаға ретінде ет таратты.