Тұмаудың асқынған түрі тарап жатыр

Бұл жолғы балалар арасындағы тұмау неге ауыр жүріп жатыр. Бүгін Денсаулық сақтау министрлігі арнайы брифинг өткізіп, ел арасында «Гонконг» деп танылған вирусқа қатысты түсініктеме берді. Мамандардың айтуынша, бұл әдеттегі тұмаудың асқынған түрі. Әрі жұқтырғандар да көп емес. Небәрі 600 адам. Үкімет сондай-ақ, қазіргі тұмауға басты ем деп жатқан дәрінің де неге тапшы болып жатқанын айтты. Елді дүрліктірген вирустың таралуы желтоқсан айында бәсеңдеуі тиіс екен.

Гонконг тұмауы: расында дәрі тапшылығы бар ма?

Індет ырық бермей тұр. Денсаулыққа жауапты министрліктік дерегінше, соңғы 7 күннің өзінде тұмаудың асқынған түрін жұқтырғандар саны 200 мыңға жуықтаған. Олардың ішінде Гонконг дейдін қауіпті вирусқа шалдыққан 600 бар. Әрине, көп емес. Оның кәдімгі тұмаудан өзгешелігі - адамның қызу күрт көтеріліп, апталап түспей тұрып алуы мүмкін. Құрғақ жөтел тамақты қысып, аяқ-қол сыздайды. Тершеңдік тоқтамайды. Тіпті кейде дене қақсап, бас солқылдап ауырады. Қазір ауруханаларға мұндай симптомдармен келіп жатқандар жетіп артылады. Әсіресе, балалар қатыр көп. Ауруханаларда орын да жетпей жатыр.

Қазіргі тарап жатқан вирустың тек 2 дәрінің күші жетіп тұр - флукап, флувир деседі. Препараттарды тек дәрігердің кеңесімен ғана қолдану қажет. Назым Қорғанованың да балалары жұқпалы тұмайдың кесірінен ауырып қалған. Оған да педиатор осы дәрілерді қолдануға нұсқаулық беріпті. Тек дәріні әрең тапқан. 

Назым Қорғанова, Тұрғын:

- Барлық круглосуточный аптекаларға хабарласып шықтым. Еш жерде жоқ. Сосын Павлодар қаласына қоңырау шалуға мәжбүр болдым. Ол жақтағы 5 аптекаға хабарластым. Соның біреуінен таптым. 2 қаптамасын алдым. Педиатор алғашқы екі күнде берсе жақсы әсер етеді деді. Бердім, келесі күні температурасы көтерілген жоқ.

Виурсқа қарсы дәрігерлер қабыладуға нұсқаулық беріп жатқан дәрінің тапшылығы болып жатқанын министрлік өкілдері де жасырмады. Тапшылықты туғызып жатқан алып сатарлар да болуы мүмкін. Үкімет енді алдағы 1-2 күнде мұндай жағдайдың болуын қадағалауға әуде беріп отыр. Ал алып сатарлармен әңгімені басқаша жүргізбек. Бүгін тіпті Денсаулық сақтау министрлігі арнайы брифн өткізіп, дәрі-дәрмекке қатысты түсініктеме беруіне тура келген.

Бауыржан Жүсіпов, ҚР ДСМ медициналық және фармацевтикалық бақылау комитетінің төрағасы:

- Бізде дәрілердің 2 айлық қоры бар. Бірақ Флукап пен флувир препараттарына соңғы уақытта сұраныс күрт артты. Біз кеше ірі дәріханалармен, дестрибюторлармен сөйлестік. Бүгін ертең үлкен көлемде дәріханаларға таратылады. Қазірдің өзінде кейбір дәріхана желілері флувирдің 200, флукаптың 400 каптамасын сатылымға шығарды.

Бүгінгі Үкімет отырысында Денсаулық сақтау министрі Ақмарал Әлназарова тарап жатқан тұмайдың мәселесіне қатысты баяндама жасаған. Жұқпалы ауруға қарсы барлық препараттың қамтамасыз етілетінін айтқан. Ал вирустың таралуы желтоқсанның ортасында бәсендеуі тиіс.

Ақмарал Әлназарова, ҚР Денсаулық сақтау министрі:

- Вирусқа қарсы және қызу түсіретін препараттардың, жеке қорғаныш құралдары мен дезинфекциялық құралдардың жеткілікті қоры қамтамасыз етілген. 

Дегенмен, сақтық үшін қазір елдегі 7 өңірдегі 132 мектеп қашықтан оқыту форматына ауысты. Ал білім басқармаларына қадағалауды күшейту тапсырылған. Ал офлайн форматтағы мектептерге күнде балалар темперасын тексеріп, дезинфекция жасау режимі қатаңдатылып жатыр.