Су кодексі сәуірде қабылданады

«Уәде» бағдарламасының кезекті шығарылымында Су ресурстары және ирригация министрі Нұржан Нұржігітов қонақта.

ҚР Су ресурстары және ирригация министрлігінің құрылғанына 1 жылдан асты. Осы аралықта министрлік алдына 3 үлкен бағыт қойылған. Сәйкесінше, ҚР Су ресурстарының 2024-2030 жылға дейінгі тұжырымдамасы бекітілді. Су саясаты қалыптасты. 14 индикатор қойылып, 7 бағыт бойынша жұмыс басталып кетті. Олардың ішінде бар суды тиімді пайдалану, экологиялық мәселелерді шешу, кадр саясаты, трансшекараларға қатысты келісімсөз жүргізу мәселелері бар. Енді министрліктің алдында жаңа су кодексін құруға қатысты міндет тұр.

Жалпы, Су ресурстары және ирригация министрлігіне жүктелген Президент тапсырмалары уақытылы іске асып жатыр ма? Су қоймаларын салу қарқыны қалай? Елімізде күні бүгінге дейін, толық ауыз сумен қамтамасыз етілмеген елді мекендер бар ма? Келер жылы тіршілік нәрінің көлемі азаяды деген рас па және оның экономикаға әсері қандай болмақ? 

Осы және өзге де сұрақтарға жауапты министрмен өткен сүбелі сұхбатта аласыз!