Спортты дамыту – стратегиялық міндет

Халықаралық спорт сарапшылары қалт кетті. Кей сарапашылар жазғы Олимпиадалар ішінде Париждегі дода Қазақстан үшін ең сәтсіз болады деген. Бірақ, бұл расталмады. Мысалы, Sports Illustrated журналында біздің құрама алтыннан құр қалатынын жазған. Күрестен күміс, бокс пен гимнастикадан қос-қос қола мен атудан бір қола жеңіп алады,-деп топшылапты. Бірақ, жерлестеріміз жарыстың алғашқы күні-ақ дзюдодан алтын алып, келесі күні қола медаль олжалады. Әлі де үміт күттіретін үздіктер жетерлік. Жалпы, сырт сарапшылардың бұлай сыни қарауының мәні мынада. Ел спортшылары Риодағы Олимпиадада аралас 17 медаль жеңсе, Токиода тек 8 қоланы қанағат тұтты. Сондай-ақ, қаржы бөлу жағы да жөн үйлестірілмеген. Бұған қоса жаттықтырушыларды даярлау заманауи талаптарға сай емес. Оқыту әдістері халықаралық деңгейге жауап бермейді. Құзырлы органдар осы сындарды орынсыз, - деп сытылып кете алмайды. Сондықтан елдегі спорт саласына реформа жүргізіліп жатыр. Әлбетте үлкен өзгеріс бірден емес, бірте-бірте жемісін берері сөзсіз.