Шерзат Полаттың ісі бойынша сот үкімі 5-ші маусымда шығады

Шерзат Полаттың ісі бойынша сот үкімі 5-ші маусымда шығады. Бұл туралы судья Ержан Жанұзақов хабарлады. Жетісу облысының қылмыстық істер жөніндегі мамандандырылған ауданаралық сотында өтіп жатқан процесте үзіліс жарияланды. Еске салайық, атышулы іс бойынша айыпталушылар орнында 9 адам отыр. Мемлекеттік айыптаушы Дана Сәрсенбай Абзал Шынасылға 23 жыл, ал Равиль Сәкиевке 20 жыл жаза тағайындауды сұрады. Ал, өзге айыпталушылар 1 жарым, 7,9 және 15 жылға дейін сотталуы мүмкін. Естеріңізге салсақ, 16 жастағы Шерзат Болат  былтыр қазан айында Алматы облысындағы Талғар қаласында болған кикілжің кезінде қаза болған еді.