Республика күні қарсаңында спорт пен туризм саласының үздіктері марапатталды

Футзалдан Қазақстан Ұлттық құрамасының бас жаттықтырушысы Фигейра Силва Паулу Рикардуға ІІ-дәрежелі «Достық» ордені табысталды. Ал, V Дүниежүзілік көшпенділер ойындарын дайындау және өткізу жөніндегі дирекция басшысы Наиль Нуровқа «Парасат» ордені бұйырды. Мемлекеттік наградаларды Туризм және спорт министрлігі табыстады. Марапат алғандар қатарында алты олимпиададан хабар таратқан журналист Телмұхамет Күдеров те бар. Ол «Ерен еңбегі үшін» төсбелгісін алды. Жалпы, мереке қарсаңында спорт пен туризм саласында жүрген 70-тен астам адам марапатқа ие болды.

Фигейра Силва Паулу Рикарду, футзалдан Қазақстан Ұлттық құрамасының бас жаттықтырушысы:

– Бұл менің алғашқы марапатым. Өте қуанышытымын. Республика күнімен барша қазақ елін құттықтаймын. Көк туды көкке көтеретін спортшыларымыз көбейсін. Ал, біз футзалдан әлем чемпионатын алу жолында тынбай еңбектене береміз. 

Телмұхамет Күдеров, спорт журналисі:

– Қазақ спортының алар асуы көп!