Референдумның қорытындысы шықты

Сонымен Референдумның соңғы қорытындысы шықты. Саяси науқанда 9 млн 127 мың 192 адам дауыс берген. Бұл жалпы дауыс беру құқығы бар азаматтардың - 73,12 пайызы. Осылайша, қазақстандықтардың 87,15 пайызы жаңа Ата заңды қолдаған. Ал 898 099 азамат референдумға қойылған мәселені қабылдамаған. Есепке алынбаған бюллетеньдер саны - 127 868. Өйткені жауаптардың қос нұсқасы таңдалған. Аумақтық референдум комиссияларының ақпарынша, дауыс беру күні ел азаматтарынан 35 өтініш тіркелген. Астанада - 11, Алматыда - 6, Маңғыстау облысында - 4 өтініш. Шымкентте, Абай облысында, Қызылорда облысында әрқайсысында 3 өтініштен. Оларға қолданыстағы заңнамаға сәйкес жауап беріліпті.