Президент Ұлттық құрама мүшелеріне мемлекеттік туды тапсырды

Президент Қысқы Олимпиада ойындары мен Паралимпиадаға қатысатын ұлттық құрама мүшелеріне Мемлекеттік туды тапсырды. Италияда өтетін байрақты бәсекеге 40-қа жуық спортшымыз қатысады. Олар қысқы Олимпиадаға жолдама алу үшін түрлі халықаралық жарыста бақ сынаған. Мемлекет басшысы Қысқы Олимпиада ойындары тарихында жеңіс тұғырынан көрінген спортшылардың еңбегін атап өтті. Владимир Смирнов, Людмила Прокашева, Елена Хрусталева, Денис Тен, Юлия Галышева сияқты Олимпиада жүлдегерлерінің есімдері отандық спорт тарихына алтын әріптермен жазылғанына тоқталды. «Әр азаматымыздың жетістігі – Қазақстанның жетістігі. Әр спортшының абыройы – барша қазақтың беделі» деді Мемлекет басшысы.

Ал Паралимпиада ойындары наурыз айында өтеді. Оған әзірге 10 лицензия алдық. Алайда олардың саны әлі көбеюі мүмкін. Мемлекет басшысы төрт жылда бір өтетін байрақты бәсекеге қазақстандық спортшылар тыңғылықты дайындалғанына тоқталып, Қысқы Олимпиада және Паралимпиада ойындарында шын мықтылар күш сынасатынын айтты.

Қасым-Жомарт Тоқаев, Қазақстан Республикасының Президенті:

- Спортшылар өз кезегінде көк туымызды желбіретуге бар күшін салатынын атап өтті. Сондай-ақ, намысты қолдан бермейміз деп уәде берді.