Президент Шыңғыс Айтматовтың рухына құран бағыштады

Бүгін Қырғыз Республикасындағы ресми сапарын Қасым Жомарт Тоқаев «Ата бейіт» ұлттық тарихи-мемориалдық кешенін зияратуден бастады. Мұнда Отанына қалтқысыз қызмет еткен қырғыз халқының даңқты тұлғалары мен сталиндік репрессияның құрбандары жерленген. Айтпақшы, кешенге «Ата бейіт» атауын жазушы Шыңғыс Айтматов ұсынған екен. Мемлекет басшысы мемориалдық кешен аумағындағы 1916 жылғы үркіншілік құрбандарына арналған ескерткішке гүл шоғын қойды. Іле, қырғыз халқының кемеңгер жазушысы Шыңғыс Айтматовтың бейітін зиярат етіп, қаламгердің рухына да Құран бағыштады.