Президент отандық ІТ стартап иелерімен кездесті

Мемлекет басшысы Вашингтонда отандық стартаперлермен кездесті. Олардың ІТ өнімдері халықаралық нарыққа шыққан. Құны 1,4 миллиард долларға бағаланады. Арасында алғашқы «сыңармүйіз» стартапы атанған Higgsfield AI жобасы бар. Ол жасанды интеллектімен кинематографиялық сапалы бейнені генерациялай алатын жүйе. Сондай-ақ, машина оқыту модельдерін іске қосатын Deep Infra қызметі, автономды дрондарды әзірлеуші ARC Drones, биотехнология саласындағы стартап іValinor Президентке таныстырылды. Мемлекет басшысы жоғары технология саласындағы отандық компаниялардың жетістіктерін жоғары бағалап, алдағы үш жылда Қазақстанды толық цифрлық елге айналдыруымыз керек деді.