Президент Ақтөбе жұртшылығымен әңгімелесті

Мемлекет басшысы Ақтөбе облысына сапары барысында ең алдымен Кеңес Одағының Батыры Әлия Молдағұлованың мемориалдық ескерткіш кешеніне гүл шоғын қойды. Қаһарманды бір минут үнсіздікпен еске алып, рухына тағзым етті. Биыл қазақтың қайсар қызының туғанына – 100 жыл. Елімізде Әлияның ерлігі барынша дәріптеліп жатыр. Бір ғана туған өлкесінде 100-ге жуық шара ұйымдастырылады. Бүгінде Әлия есімін көрші елдердің халқы да ерекше қадір тұтады. Мәселен, Ресейде батыр атында мектеп пен ескерткіштері бар.