Париждегі доданың басталуына 3 күн қалды

Париждегі доданың басталуына 3 күн қалды. Дзюдодан Қазақстан ұлттық құрамасы соңғы шешуші оқу-жаттығу жиынын Францияның Мез қаласында өткізіп жатыр. Париждегі Олимпиада қалашығына 25 шілде күні оралады. Бұл туралы Қазақпарат халықаралық ақпарат агенттігі мәлімдеді. Олимпиаданың алғашқы күні ел намысын 60 келі салмақта Елдос Сметов пен 48 келі деңгейінде Абиба Әбужақынова қорғайды. Одан кейін жарыс кестесіне сай әйелдер арасында 63 келі салмақта Эсмигүл Куюлова, 78 келіден жоғары Камила Берлікаш татамиге шығады. Ал, ерлер арасында 66 келіде Ғұсман Қырғызбаев, 73 келді Данияр Шамшаев, 81 келіде Абылайхан Жұбаназаров және 100 келіде Нұрлыхан Шархан боз кілемде белдеседі.