Отандастарымыз елге оралды

Таяу шығыстағы ахуалға байланысты отандастарымызды елге эвакуациялау жалғасуда. Күні еше Сауд Арабиясына қажылыққа барған 600-ден аса жерлесіміз төрт чартерлік рейспен Атырау мен Ақтау әуежайларына жеткізілді. Әр өңірден құлшылыққа барған жандар әрі қарай таңғы рейстермен Алматы, Астана, Шымкент қалаларына ұшып кетті. Әуежайда жолаушылар үшін ыстық тағамдар мен демалу орындары әзірленген.

Таяу шығыстағы жағдайға байланысты қазір арнайы чартерлік рейстер іске қосылған.  Мысалы, кеше Мекке-Атырау, Джидда-Атырау бағытындағы алғашқы рейстер Атырау-Ақтау әуежайларына қонды. 600-қазақстандық түнгі рейстермен елге оралды. Соның бірі Мәулімхан Қазыкен.

Мәулімхан Қазыкен, жолаушы:

- Мемлекет басшымыздың арқасы. Бізді осылай жеткізген. Недәуір әбіржіп қалған болатынбыз. Мұндай қиын жағдайда мән беріп бізге алып келгендеріне сансыз рахмет. Уайымдап қалдық басында енді. Ең алғаш естігенде сол осындай жағдай болыпты деп әбден самолетке отырамыз дегенде сонда біз естідік. Үш күн жаттық. Бізге осылай  ТЖ боп қалды, сол үшін сіздер кешігесіздер деді.

 Қажылыққа кеткендердің арасында Алматы, Шымкент, Астана және елдің басқа аймақтарының тұрғындары бар. Жолаушылар Мекке, Жиддә және Мединада жағдай тыныш, ешқандай дүрбелең жоқ деп отыр. Бірақ, елге жеткенше қорыққандарын жасырмайды.

Аллаберген Бархат, жолаушы:

- Енді қорқасың ғой, үйегілер звандайды. Әке-шешең звандайды. Уайымдайды. Қалай,не болып жатыр сендерде деп. Аллаға шүкір мемелекет жақсы алып келді бізді барлығы ойдағыдай болды. Ешқандай задержка болған жоқ. Керемет алып келді. Үрей болды. Қорқасың ғой. Ең бастысы елег жетіп алу,барлығынң үрейі  сол болды ғой.

Қажылыққа кеткен отандастарымызды елге жеткізу үшін 4 рейс ұйымдастырылған.  Олардың үшеуі Атырауға, біреуі Ақтауға қонды. Туристік агентік арқылы қажылыққа барған  жолаушыларды компания өкілдері күтіп алып, ыстық тамақпен әрі ары қарай шығарып салды.

Әуе компаниялары Таяу Шығыстағы ахуалды ескере отырып, азаматтарды елге қайтаруды одан әрі жалғастырады. Сыртқы істер министрлігінің хабарлауынша, ұшақтан бөлек, жерлестеріміз құрлық арқылы да оралып жатыр.