Оқушылар су мен жарықты үнемдеу технологиясын үйренеді

Атырауда оқушылар су мен жарықты үнемдеудың жолдарын үйреніп жатыр. Олар осылайша қоршаған ортаны қорғауға үлес қоспақ. Әр апта сайын түрлі тақырыпта табиғатты аялау сабақтары өтеді. Сонымен қатар, сенбі сайын оқушылар ағаш егіп, мектеп ауласын тазарту жұмыстарын жүргізеді. Айта кетейік, бастаманы алғаш болып қаладағы номері 50-ші мектептің білім алушылары қолдады. Жалпы мұнда «Таза Қазақстан» экологиясы аясында жыл соңына дейін 100-ден аса шара өтпек.

Айсұлу Ихсанова, № 50 жалпы орта білім беретін мектептің бастауыш сынып мұғалімі:

- Табиғатты қорғау суды үнемдеу электр энергиясын тиімді пайдалану сондай-ақ тамақ қалдықтарын ысырап етпеу тиімді пайдалану бағытында түрлі танымдық әңгімелер танымдық жұмыстар түсіндіру жұмыстары жүргізіледі. Бұл жұмыстар оқушыларды үнемдеуге экологиялық мәдениетті арттыруға бағытталған жұмыстар.

Гүлім Рахметтолла, оқушы:

- Табиғат біздің екінші анамыз. Қазіргі таңда экология тақырыбы өзекті тұр. Экологияның ластануын алдын алу үшін сабақта түрлі сенбілікке шығамыз. Сынып сағаттарда түрлі ақпараттарды жинап оны күнделікті өмірде қолданамыз.