Мемлекет басшысы Еуропалық Кеңес Президентімен кездесті

Қасым-Жомарт Тоқаев Еуропалық Кеңес Президенті Антониу Коштамен кездесті. Елімізге шетелден тартылған тікелей инвестицияның 40%-дан астамы осы Еуро Одаққа тиесілі. Былтыр Қазақстан мен Одаққа мүше мемлекеттердің тауар айналымы 50 млрд долларға жеткен. Кездесуде сан саладағы ынтымақтастықты одан әрі нығайту мәселелері қаралды. Серіктестікке серпін беретін жобаларға ерекше назар аударылды.