Мемлекет басшысы Азия даму банкінің президентін қабылдады

Мемлекет басшысы Азия даму банкінің президенті Масато Канданы қабылдады. Халықаралық қаржы ұйымының алдағы 60 жылдық мерейтойымен құттықтады. Азия даму банкі 30 жыл ішінде біздің елдегі 170 жобаны қаржыландырған. Маңызды стратегиялық нысандардың құрылысына 7 миллиардтай доллар бөлген. Осылайша, бұл банк Қазақстанның экономикасы мен инфрақұрылымының дамуына, тұрғындардың өмір сапасын жақсартуға айтарлықтай үлес қосты. Жиын барысында Масато Канда еліміздің цифрлық технологиялар мен жасанды интеллект саласында алда келе жатқанын айтып, тұрғын үй құрылысы, төтенше жағдайларды басқару және өзге де маңызды стратегиялық жобаларды қаржыландыруға дайын екенін растады.