«Құпия сөз» интеллектуалды ойынының жеңімпазы марапатталды

Теледидардан сүйікті бағдарламаңызды қосып қоясыз. Экраннан шыққан әріптер арқылы жасырынған сөзді табасыз. Сосын одан тарихи тұлғалардың қанатты сөзін құрайсыз. Хабар телеарнасы ұйымдастырған интеллектуалды викторинаға қатысып жеңімпаз болғандардың бірі - жетісулық тұрғын Бибігүл.

Бибігүл Құсайынова, Жеңімпаз:

- Қазіргі көңіл күйім керемет. Басында жаңа айтқандай сенбестік болды. Сонан кейін балаларым да жоқ сенбе деді. Бірақ барлығына бой бермей келдім.

Бұл Хабар арнасының көзі қарақты көрерменге арнаған алғашқы байқауы емес. Арна түрлі викторинамен қоса, шығармашылық конкурстарды да ұйымдастырады. Басты мақсат – көрерменге жақсы көңіл-күй сыйлау, ой саларлық контент өндіру.

Ерлан Атамбай, «Хабар» телеарнасының директоры:

- Құпия сөз деген ойын ұйымдастырдық.  Оған біз 14 сөзден тұратын Әлихан Бөкейханның аталы сөзін жасырғанбыз. Ең бастысы барлығы шынайы. Ешқандай таныс-тамыр, ағайын-бауыр жеңіп көрген емес.

«Хабар» телеарнасы 27 желтоқсан мен 3 қаңтар аралығына арналған қызықты жаңа жылдық эфир кестесін ұсынды. Мерекелік бағдарлама аясында арнаның басты жобаларының финалдары көрсетіліп, арнайы әзірленген әзіл-сықақ және музыкалық шоулар, қазақстандық өнерпаздардың концерттері, сондай-ақ отбасыға арналған фильмдер көрермен назарына ұсынылады. Ал 31 желтоқсан күні кешкі сағат сегізде жыл бойғы жарқын оқиғаларды қорытындылайтын «Қызық премия» қорытынды жобасы эфирге шығып, ескі жылға әзілмен нүкте қояды. Кейін жаңа жыл «Ғажайып түнмен» жалғасып көрерменнің көңілін аулайды.

Авторы: Мақпал Рахатқызы