Президенттік шырша өтті

«Ғажайыпқа толған Жаңа жыл» мерекесі Жетісуда ерекше өтті. Президенттік шыршада жасанды интеллект 200 баланы қуантты. Балаларға ертегі кейіпкерлері, аниматорлар, цирк әртістері мен шығармашылық ұжымдардың қатысуымен әсерлі шоу-бағдарлама ұйымдастырылды. Кештің ерекше кейіпкері жасанды интеллекттің көмегімен басқарылатын робот. Ол сахнаның сиқырлы сәттермен толықтырды.

Жарқыраған шамдардың нұры мен әсем әуеннің үні араласқан сахнада балалар өздерін бүгін нағыз ертегі әлемінде жүргендей сезінді. Мерекелік қойылымдарда қазақ қиял-ғажайып ертегілерінің кейіпкерлерінен бастап, заманауи мультфильм жұлдыздарына дейін көрініс тапты. Ертөстік, Сақ құлақ, Желаяқ сияқты таныс кейіпкерлердің жанында жасанды интеллект пен роботтар да сахнаға шығып, екі заманның біріккен ғажайып әлемін балалар назарына ұсынды. Балаларды келе жатқан Жаңа жылмен Жетісу облысының әкімі құттықтады.

Бейбіт Исабаев, Жетісу облысының әкімі:

- Президент шыршасына өңіріміздің әр аудан, қаласынан үлгілі, тәртіпті, дарынды балалар шақырылды. Құрметті балалар, ата-аналарың мен ұстаздарыңжы қуанытып, зерделі де зерек, білімді де ақылды, ел мақтанар азамат болыңдар! Жаңа жыл құтты болсын!

Рүстем Қалибеков, «Айналайын» балаларды қорғау орталығының тәрбиеленушісі:

- Мен Ғажайыпқа толған Жаңа жыл мерекесін сағына күттім. Бүгін осындай шырша мерекесіне қатысып отырғаныма қуаныштымын. Қазақстан облыстарының тәрбиеленушілерін барлығын жаңа жыл мерекесімен құттықтаймын. Оларға зор денсаулық, бақыт, береке тілеймін. Жаңа жыл құтты болсын!

Айзере Базарбекқызы, Көксу ауданы, Жетіжал ОМ оқушысы:

- Мен осы шыршаға бірінші рет қатысып тұрмын. Маған бұл шырша қатты ұнап жатыр. Барша балалар шыршада көңілді болуы керек. Мен сіздерді жаңа жыл мейрамымен құттықтаймын!

Президенттік шыршаға қатысқан әр бала Мемлекет басшысынан құттықтау хат, планшеттер мен жаңа жылдық тәттілерді сыйлыққа алды. Осындай мерекелік шаралар өңірдің барлық аудан-қалаларында өтеді. Тағы 2 мыңнан астам бала қамтылады.

Авторы: Пана Анитова