Қайырымдылық күні: 250 отбасына азық-түлік таратылды

Әлеуметтік жағынан әлжуас 250 отбасына азық-түлік үлестірді. Наурызнаманың қайырымдылық күнінде елордалықтар осындай игі ісімен ерекшеленді. 

Айжамал екі бірдей мүгедек баланы бағып отырған отырған жалғызбасты ана. Сондықтан осындай көмекке дән риза. 

Айжамал Бөрібаева, қала тұрғыны:

- Осыдан екі жарым жыл бұрын Астанаға көшіп келдік. Бұрын жұмыс істегенмін, қазір екі балам мүгедек болғандықтан үйдемін. Осындай көмек көрсетіп жатқан адамдарға мың алғыс айтамын!

Әр дорбада 25 келі азық-түлік бар. Күріш, ұн, макарон, шай, қант және өсімдік майы секілді ең керекті заттар. 

Асхат Сабиров, «YDA Group» көпсалалы өндірістік компаниясының даму бөлімінің басшысы:

- Компания атынан біз жалғызбасты зейнеткерлер мен ардагерлерге тұрақты түрде көмек көрсетіп келеміз. Бұл жолы әлеуметтік тұрғыдан мұқтаж 250 отбасыға азық-түлік табыстадық.

Қайырымдылық акциясын елорда әкімдігі, «Астана жастары» еріктілері мен YDA GROUP компаниясы бірлесіп ұйымдастырды

Шапағат Таупыков, Астана қаласы әкімінің кеңесшісі:

- Бұл қайырымдылық акциясының негізгі мақсаты – әлеуметтік тұрғыдан осал отбасыларға қолдау көрсету. Осындай игі іске атсалысып, мұқтаж жандарға көмек көрсеткен барлық азаматтарға Астана қаласы әкімдігінің атынан алғысымызды білдіреміз.

Ұйымдастырушылардың айтуынша, мұндай қайырымдылық шаралары елордада тұрақты  өткізіліп келеді. Себебі бір-бірімізге қолдау көрсетіп, мейірімділік таныту – маңызды құндылықтардың бірі. Ал Наурыз мейрамы – жақсылық пен ізгілік дәстүрін жалғастыруға тағы бір мүмкіндік.