Қаныш Сәтбаев еңбектері 6 тілде 10 том болып басылды

Елордада геолог ғалым Қаныш Сәтбаевтің еңбегі мен шығармалары топтастырылған 10 томдық жинақ таныстырылды. Кітап 6 тілде: ағылшын, араб, испан, қытай, орыс, француз тілдерінде басылып шықты. Ал қазақ тіліндегі 5 томдық «Қысқаша өмірбаяндық очерк» деп аталады. Бұл жолы ғалымның 19-дан 24 жасқа дейінгі жинақтаған алгебра оқулығы енген. Заңғар тұлғаның 125 жылдығына орай жарық көрген жинақтың шығуына Сәтбаев университеті мен Павлодардағы Торайғыров атындағы оқу орны және «Қаныш» қоры атсалысқан.