Қ. Тоқаев Орталық Азия елдері басшыларының VI консультативтік кездесуіне қатысты

Қазақстан Орталық Азия Іскерлік кеңесін құру ұсынысын қолдайды. Бүгін елордада өткен Орталық Азия мемлекеттері басшыларының VI Консультативтік кездесуінде Қасым-Жомарт Тоқаев осылай деді. Сонымен қатар, Президент аймақтың көлік жүйесін дамыту жөніндегі кешенді стратегияны қабылдаудың маңыздылығына тоқталды. Бұдан бөлек, жиында Орталық Азия елдеріне арналған Су-энергетика консорциумын құру және гидроэнергетикалық нысандарды бірлесе салу бастамасы көтерілді. Астанада тағы ауқымды саяси шара. Бұл жолы Орталық Азия мемлекеттерінің басшылары бас қосты. VI Консультативтік кездесу Қазақстанның төрағалығымен өтті. Алғаш алты жыл бұрын астанадан бастау алған еді. Ұлы Жібек жолы бойындағы елдердің мақсат-мүддесі бір. Бастысы - аймақта тұрақтылық пен қауіпсіздікті сақтау. Сауда-экономикалық байланысты дамыту. Мәдени-гуманитарлық ынтымақтастық та елдер арасындағы достықтың темірқазығы.