Ең таза ауыл қайда? - 352 көше мен 12 мың аула жарысы

Абай облысындағы Үржар ауданында өте ауқымды әрі өзгелерге үлгі болатындай ерекше марафон өтті. Мұндағы шамамен 30-дан астам ауыл жұрты, бұл шамамен 352 көше мен 12 мың аула тазалық акциясына қатысып, бүтін аймақты ретке келтіріп шығуда. «Таза ауыл», «Таза көше», «Таза аула» номинациялары бойынша жарыс 1-сәуірде басталған. Енді тамыздың соңында қорытындысы жасалуы тиіс. Жеңімпаз атанған ауылға қомақты әрі пайдалы сыйлық беріледі.