Экологиялық лекциялар ұйымдастырылды

Табиғатты қорғау әрбір азаматтың міндеті. Оны алдынғы буын кейінгі ұрпаққа түсіндіруден жалықпауы тиіс. Бүгін Ақтөбедегі №21 мамандандырылған гимназияда қоғам белсенділері оқушылармен кездесу өткізіп, осындай үндеу жасады. «Жасыл ел» жастар қозғалысының өкілдері жастармен тәжірибе бөлісіп, экологиялық мәдениетті қалыптастырудың маңыздылығын түсіндірді. Тек өткен жылдың өзінде олар елуге жуық экологиялық акция ұйымдастырып, қала аумағынан шамамен 3 мың тонна қоқыс шығарды. Мыңға жуық ағаш отырғызған. Қазір бұл гимназияда «ЭКОПРО» экологиялық фракциясы жұмыс істейді. Оның құрамына екі жүзге жуық оқушы кіреді. Барлығы да қоршаған ортаға пайдалы бастамаларды жүзеге асырып келеді.

Кәусар Сайтбек, №21 гимназия оқушысы:

-  Біз макулатура жинаймыз. Ол керек емес қағаз қалдықтары. Біз оларды белгілі бір фабрикаларға жіберіп, қйата өңдеуге жібереміз. Өмір береміз десек те болады.