Таза Қазақстан: 13 мың ағаш отырғызылады

Алматыда «Таза Қазақстан» акциясы аясында ауқымды көгалдандыру жұмыстары жалғасып жатыр. Биыл күзде биіктігі 4-5 метр болатын 13 мың ірі ағаш және 100 мыңға жуық бұта отырғызылады. Оның ішінде жөке, шаған, қарағаш, қарағай, күміс үйеңкі және жасыл шырша бар. Осылайша жасыл желектер Алматының тынысын ашып қана қоймай, қаланың экологиялық ахуалын да жақсарта түседі. Жалпы алғанда, 2030 жылға дейін қалада 2,5 миллионнан астам ағаш-бұта отырғызу көзделген.